Нургалиев дар мусоҳиба ба "Российская газета" қайд кард, ки Русия ба кишварҳои ИДМ дар рафъи ҳолатҳои фавқулоддаи табиӣ ва техногенӣ, дар мубориза бо таҳдидҳои биологӣ, паҳн шудани бемориҳои хатарноки сироятӣ кӯмак ва дастгирӣ хоҳад кард, менигорад АИР Новости.
«Ва дар ин ҷо қайд кардан бамаврид аст, ки пандемияи COVID-19 мураккабии ҳалли ин мушкилотро нишон дод ва бори дигар афзалиятҳои ҳамкории давлати моро бо шарикони худ дар ИДМ таъкид кард. Маҳз ба кишварҳои ИДМ Русия дар навбати аввал тестҳо, доруҳоро интиқол дода, ёрии ҳамаҷонибаи методӣ ва тиббӣ расонд », - гуфт Нургалиев.
Вай хотиррасон кард, ки истифодаи фаъоли ваксинаи "Спутник V" дар кишварҳои ИДМ оғоз ёфта, он дар Абхазистон, Озарбойҷон, Арманистон, Белорус, Қазоқистон, Қирғизистон, Молдова, Тоҷикистон, Туркманистон, Ӯзбекистон ва Осетияи Ҷанубӣ ба қайд гирифта шудааст.
"Дар Белорус ва Қазоқистон истеҳсоли он бинобар технологияҳои Русия ба роҳ монда шудааст ва дар Ӯзбекистон ба нақша гирифта шудааст, ки ояндаи наздик ба тавлиди ваксина оғоз кунад" -- гуфт муовини котиби Шӯрои амнияти ФР.
Русия ва Ӯзбекистон дар бораи маҳаллисозии истеҳсоли "Спутник V" дар ҷумҳурӣ ба мувофиқа расиданд, ҷониби Ӯзбекистон аллакай майдони истеҳсоли ин доруро интихоб кардааст, гуфтааст вазири нигаҳдории тандурустии Русия Михаил Мурашко