Ҳамоиш тибқи нақшаи кории Шӯрои вазирони дифои кишварҳои узви Иттиҳоди Давлатҳои Мустақил дар соли 2023 сурат гирифт.
Дар чорабинӣ афсарони раёсатҳои оперативӣ (шуъбаҳо)-и қӯшунҳои мудофиаи зиддиҳавоии Қувваҳои Мусаллаҳи Арманистон, Белорус, Қазоқистон, Қирғизистон, Русия ва Ӯзбекистон, инчунин намояндагони Котиботи Шӯрои вазирони мудофиаи давлатҳои аъзои ИДМ иштирок намуданд.
Бо иштирокчиёни ҷамъомад оид ба масъалаҳои фаъолияти системаи ягонаи мудофиаи зиддиҳавоии ИДМ, бунёди мудофиаи зиддиҳавоӣ ва зиддимушакӣ, ҳамкориҳои қисм ва қисмҳои низомии мудофиаи зиддиҳавоӣ ва дигар масъалаҳои мубрами рӯз лексия ва машқҳои амалӣ гузаронида шуданд.
Машғулиятҳо дар заминаи Академияи ҳарбии Ҷумҳурии Беларус, постгоҳи ёрирасони раёсати фармондеҳии Қувваҳои ҳарбии ҳавоӣ ва қӯшунҳои мудофиаи зиддиҳавоии Қувваҳои Мусаллаҳи Ҷумҳурии Беларус, инчунин посгоҳи сайёри раёсати қисм ташкил карда шуданд.
Ҳамчунин, дар барномаи ҳамоиш рӯйдодҳои ҳарбӣ-таърихӣ, ки ба ҳифзи хотираи Ҷанги дуюми ҷаҳонӣ нигаронида шудаанд, пешбинӣ шуда буданд.
Қобили зикр аст, ки ҳамоиши байналмилалӣ бо афсарони неруҳои дифои ҳавоӣ дар Ҷумҳурии Беларус барои аввалин бор баргузор гардид.
