Дар ҷаласаи пленарӣ ҳайатҳои 53 кишвари узв ва 9 узви вобастаи ЭСКАТО масъалаҳои муҳими стратегӣ барои рушди нақлиёти минтақавӣ ва татбиқи Эъломияи вазирон оид ба рушди устувори нақлиёт дар минтақаи Осиё ва Уқёнуси Оромро баррасӣ карданд.
Дар доираи Барномаи минтақавии ЭСКАТО барои солҳои 2022-2026 лоиҳаҳои рушди долонҳои байналмилалии нақлиётии “Чин – Қирғизистон – Ӯзбекистон”, “Мазори Шариф – Кобул – Пешовар”, “Ӯзбекистон – Туркманистон – Эрон – Ҳиндустон”, инчунин лоиҳаҳо оид ба масъалаҳои беҳтар намудани бехатарии ҳамлу нақли байналмилалии бор, ки дар Ӯзбекистон оғоз ёфтаанд, баррасӣ шуданд.
Барои маълумот: Комиссияи иқтисодӣ ва иҷтимоӣ барои Осиё ва Уқёнуси Ором яке аз панҷ комиссияҳои минтақавии Шӯрои иқтисодӣ ва иҷтимоии СММ мебошад, ки дар шаҳри Бангкоки Таиланд ҷойгир аст. Он соли 1947 бо мақсади ҳавасманд гардондани ҳамкории иқтисодии мамлакатҳои иштироккунанда ташкил карда шуда буд.
