Қобили зикр аст, ки КБЭ соли 1906 таъсис ёфта, яке аз қадимтарин ташкилотҳои ғайритиҷоратӣ барои таҳия ва нашри стандартҳои байналмилалӣ, инчунин арзёбӣ ва тасдиқи мутобиқати маҳсулот ба талаботи стандартҳои байналмилалӣ барои ҳаракати озоди мол дар соҳаи электрикӣ, электронӣ ва технологияҳои ба онҳо алоқаманд мебошад.
Дар кори КБЭ 174 кишвар иштирок мекунанд, ки 88-тоаш аъзо ва 86-тоаш шариканд.
Яке аз бартариҳои асосии узвияти КБЭ имкони иштирок дар раванди рушди глобалии стандартизатсия ва арзёбии мутобиқат мебошад. Бо иштирок дар офаридани стандарт, кишвар метавонад манфиатҳо ва ташаббусҳои худро дар ин самт пешбарӣ кунад. Истифодаи ин стандартҳо ба баланд шудани рақобатпазирии корхонаҳо дар бозори ҷаҳонӣ ва рафъи монеаҳои техникӣ дар тиҷорат мусоидат мекунад. Онҳо ҳамчун асос барои стандартизатсияи миллӣ ва ҳамчун маълумот барои таҳияи тендерҳои байналмилалӣ хизмат мекунанд.
Комиссия инчунин ба таҳия ва паҳн кардани стандартҳо барои воҳидҳои андозагирӣ, махсусан гаусс, гертс ва вебер мусоидат мекунад. Ташкилот инчунин системаи стандартҳоро пешниҳод мекунад, ки дар ниҳоят ба воҳидҳои СИ табдил ёфт, хабар медиҳад АИ «Дунё».
Дар кори КБЭ Агентии оид ба танзими техникии назди Вазорати сармояҳо ва савдои хориҷии Ўзбекистон иштирок мекунад, ки корбастҳои онҳо дар баробари Намояндагии доимии Ӯзбекистон дар назди Шӯъбаи СММ ва дигар созмонҳои байналмилалӣ дар Женева бо роҳбарияти Комиссия як қатор музокирот ва мулоқот анҷом доданд.
