Дар рафти суҳбат ҳолати ҷорӣ ва пешомади ҳамкории Ҷумҳурии Ўзбекистон бо СММ ва сохторҳои махсуси он баррасӣ шуданд. Ба нақши парламент дар ноил шудан ба ҳадафҳои рушди устувор диққати махсус дода шуд.
Тавре зикр гардид, бо мақсади амалӣ намудани назорати самараноки парлумонӣ аз болои татбиқи ҳадафҳо ва вазифаҳои миллӣ дар соҳаи рушди устувор аз соли 2020 сар карда, комиссияи парлумонӣ мушкилот ва вазъи кунунии корҳоро дар соҳаи рушди устувор мунтазам омӯхта, тадбирҳои дахлдорро амалӣ менамояд. Таъкид гардид, ки қонунҳои ба парлумон пешниҳодшуда ҳамчун мутобиқат ба ҳадафҳои рушди устувор пешбинӣ мешаванд.
Ба шарофати ин талошҳо Ӯзбекистон дар Индекси ҳадафҳои рушди устувор барои соли 2023 8 зина боло рафт ва дар байни 166 кишвари ҷаҳон дар ҷои 69-ум қарор гирифт. Имрӯз таҷрибаи Ўзбекистон оид ба ҲРУ барои дигар кишварҳо намуна гардид.
Зимни суҳбат оид ба омодагӣ ба ҳамоиши ҲРУ, ки моҳи сентябри соли 2023 дар доираи Ҳафтаи олии иҷлосияи 78-уми Маҷмаи Умумии СММ баргузор мешавад, табодули афкор сурат гирифт.
Саммит марҳалаи навро дар ноил шудан ба Ҳадафҳои рушди устувор боз мекунад ва ҳадафи он расидан ба ӯҳдадориҳои сиёсии сатҳи баланд тавассути муколамаи созанда байни ҷомеаи ҷаҳонӣ, ҳукуматҳои миллӣ, институтҳои ҷомеаи шаҳрвандӣ ва дигар шарикон барои татбиқи рӯзнома дар давраи то соли 2030 мебошад. Дар натиҷаи мулоқот оид ба идомаи ҳамкорӣ аз рӯи масъалаҳои баррасишуда тавофуқ ҳосил шуд.
