Дар тӯли чор моҳи соли 2024 Ўзбекистон 514,8 ҳазор тонна меваю сабзавот содир намуд. Маблағи умумии содирот 298,5 миллион долларро ташкил дод.
Бино ба маълумоти Агентии омор, ин нишондод нисбат ба ҳамин давраи соли 2023 43,3 фоиз афзоиш ёфтааст. Ҳиссаи содироти меваю сабзавот дар давраи зикршуда 3,5 фоизи ҳаҷми умумии содироти ҷумҳурӣро ташкил дод.
Бозорҳои асосии меваю сабзавоти Ӯзбекистон Русия (26,3%), Покистон (24,2%), Қазоқистон (13%) ва Чин (9,3%) мебошанд.
Дар моҳҳои январ-марти соли 2024 гардиши савдои хориҷии Ӯзбекистон 15,8 миллиард долларро ташкил дод, ки нисбат ба ҳамин давраи соли 2023 6,2 фоиз зиёд мебошад. Содирот 6,4 миллиард долларро (+10,0%) ва воридот 9,4 миллиард долларро (+3,8%) ташкил дод.
Ӯзбекистон бинобар натиҷаҳои ҳафт моҳи соли 2023 ба хорича ба маблағи 672,9 миллион доллар сабзавоту мева интиқол дод. Ин нисбат ба ҳамин давраи соли гузашта 22,4 фоиз зиёд аст.
Содироти картошкаи барвақтӣ дар сегменти меваю сабзавоти тару тоза дар Ӯзбекистон он қадар мавқеи муҳим надорад. Аммо таҳлилгарони EastFruit мегӯянд, ҳаҷми интиқоли картошкаи Ӯзбекистон ба Қазоқистон дар моҳҳои май-июли соли ҷорӣ ба ҳадди рекордии ҳадди ақал дар ду даҳсолаи охир расидааст.
