Ёдовар мешавем, ки дар арафаи таҷлили Соли нави мелодӣ дар чорроҳаи кӯчаҳои Бӯстонсарой ва Рӯдакии шаҳри Самарқанд тунели нав ба истифода дода шуд, ки сохтмони он аз моҳи сентябри соли 2019 идома дорад.

31 декабри соли 2021 туннел, ки аз буҷети давлатӣ 143 миллиард сӯм сарф шудааст, тантанавӣ ба истифода дода шуд. Аммо баъд аз се рӯз дар шабакаҳои иҷтимоӣ баҳси шадиди наворие оғоз шуд, ки дар он сохтори нав зери об мондааст.

ҶС "Ӯзбекистон темир йуллари" ин ҳодисаро шарҳ дода, гуфтааст, ки дар рӯзҳои ид корҳои асосии сохтмону васлкунӣ ба анҷом расида, туннел ба манзури коҳиши тирбандӣ дар роҳҳои шаҳр боз шудааст.

Аммо корҳои сохтмонӣ оид ба ободонӣ ва обкашӣ, шабакаҳои ирригатсионӣ идома доранд.

Гуфта мешавад, ки об дар деворҳои тунел бар асари баста шудани ҷўйборҳои обпарто ва обёрӣ пайдо шудааст.

Дар Трести КУ «Куприкқурилиш» кайд мекунанд, ки плитаҳои дар деворҳои туннел гузошташуда бо усули “монтажи хушк” тайёр карда шудаанд, бинобар ин об ба мустаҳкамии элементҳои конструктивии эстакада таъсири манфӣ намерасонад.

«Дар доираи сохтмони иншооти нақлиётӣ насби насосҳо барои резиши оби борон ва насби васлкунакҳои васеъкунак бо роҳи буридани қабати мумфарш дар нуқтаҳои васлкунӣ пешбинӣ шудааст. Рӯзҳои наздик ҳамаи ин корҳо пурра ба анҷом расида, норасоиҳои ба вуҷуд омада бартараф карда мешаванд», - омадааст дар хабар.