Дар ифтитоҳи мавсими тобистонаи мӯд беш аз 400 меҳмон, аз ҷумла тарроҳони маъруф, фарҳангу ҳунар, аксбардорон, блогерҳо ва намояндагони ВАО ширкат карданд. Тамоюлҳои нави саноати мӯди миллӣ аз ҷониби 19 тарроҳ аз кишварҳои ширкаткунанда, аз қабили Фаронса, Олмон, Испания, Перу, Украина, Юнон, Латвия, Ӯзбекистон ва ғайра муаррифӣ шуданд, хабар медиҳад АИ “Дунё”.
Иштироки дизайнерҳои ӯзбекистонӣ дар ин чорабинӣ аз ҷониби Консулгарии генералии кишвари мо дар Франкфурти назди Майн ва ҳамватанони фаъоли муқими Олмон таҳия шудааст.
Коллексияи дизайнери ҷавони Ӯзбекистон Умида Раҳимова таҳти бренди «FAUUS» бо рангорангӣ, асолати худ ва омезиши нотакрори ороишоти миллӣ бо тамоюлҳои муосири мӯд таваҷҷуҳи хоси тамошобинон ва моделҳоро ҷалб кард.
Дар рафти намоиш кайд карда шуд, ки мамлакати мо, ки дар қад-қади Роҳи бостонии абрешим воқеъ аст, дар давоми асрҳо бо истеҳсоли матоъҳои боҳашамат шуҳрат дошт. Матоъҳои ӯзбекӣ бо нақшҳои хос дар услуби “икат” объекти мероси фарҳангии ҷаҳонии ЮНЕСКО ва хусусияти хоси минтақаи мо мебошанд. Мизбон ва созмондиҳандаи ин чорабинӣ, инчунин мудири кулли Маҷмааи савдои “Skyline Plaza” Олаф Киндт, ки ба Ӯзбекистон ташриф оварда буд, ба рушди ҳамкориҳо бо брендҳои ӯзбекӣ ҷиҳати ворид намудани онҳо ба бозорҳои байналмилалии Олмон ва Аврупо таваҷҷуҳи хоса зоҳир намуданд.
Аз рӯи ҷамъбасти намоиш бо роҳбарони маҷмааи савдои “Skyline Plaza” мувофиқа карда шуд, ки коллексияи тобистонаи бренди ватании «Fauus» ба павилонҳои савдои “Fusion design Lounge” зери лавҳаи «Made in Uzbekistan» пешниҳод карда шавад. Дар айни замон, мағоза аллакай баъзе маҳсулоти коллексияро пешкаш мекунад, ки аз рӯи стандартҳои нассоҷии Олмон санҷида шудаанд.
Қайд кардан ҷоиз аст, пешбурди дизайнерони ҷавон аз Ӯзбекистон ва коллексияҳои миллии онҳо дар платформаҳои байналмилалӣ ба баланд шудани шавқу рағбати ҷомеаи немис ба мероси таърихӣ, саноати фэшн ва матоъҳои аслии Ӯзбекистон, инчунин оммавигардонии саноати ватании мӯд дар Олмон мусоидат мекунад. Дар робита ба ин, бо созмондиҳандагон дар бораи иштироки намояндагони кишвари мо дар намоиши навбатии «Modenschau–2024», ки моҳи ноябри соли ҷорӣ ба нақша гирифта шудааст, гуфтушунид идома дорад.
