Тавре аз хадамоти матбуоти Ваколатдор оид ба ҳимояи ҳуқуқ ва манфиатҳои қонунии субъектҳои соҳибкории назди Президенти Ҷумҳурии Ӯзбекистон хабар доданд, тибқи қарори Девони Вазирони Ҷумҳурии Ӯзбекистон № 434, комиссияи ноҳиявӣ барои ҷудо намудани субсидия барои маҳсулоти чорво бояд дар давоми 5 рӯзи корӣ тавассути платформаи электронӣ хулоса пешниҳод намояд.
Аммо 9 нафар муовинони ҳокими ноҳия оид ба кишоварзӣ ва хоҷагии об, 11 нафар сардори Раёсати назорати кишоварзии ноҳиявӣ, 16 нафар мудири шуъбаи байторӣ ва рушди чорводорӣ ва 8 нафар мудири шуъбаҳои молияи ноҳияҳо мӯҳлатҳои пешниҳоди хулоса ба аризаи соҳибкоронро вайрон кардаанд.
Масалан, муовини ҳокими ноҳияи Асака оид ба масъалаҳои кишоварзӣ ва хоҷагии об хулосаро аз рӯи муроҷиати ҶММ "Зумрад" (номаш тағйир дода шудааст) оид ба ҷудо кардани субсид аз 31 октябри соли 2023 то 19 январи соли 2024 ба таъхир андохтааст.
Дар вилояти Андиҷон низ ба ҳамин гуна қонуншиканиҳо аз ҷониби 44 нафар мансабдорон роҳ дода шуда, дар натиҷа муроҷиати соҳибкорон сари вақт баррасӣ нагардидааст.
Вобаста ба ин, ҳамаи шахсони мансабдоре, ки ба вайронкунии қонун роҳ додаанд, тибқи моддаи 43 Кодекси Ҷумҳурии Ӯзбекистон дар бораи ҷавобгарии маъмурӣ ба ҷавобгарии маъмурӣ кашида шуданд.
