Дар вохӯрӣ муовини аввали вазири нақлиёти Ҷумҳурии Ӯзбекистон Маманбий Омаров иштирок намуд.

Ҷонибҳо имкониятҳои такмили фаъолияти Гурӯҳи дӯстони нақлиёти устувор, аз ҷумла таҳияи роҳҳои нави самаранок дар самти рушди устувори системаҳои нақлиётиро дар сатҳи ҷаҳонӣ баррасӣ намуданд.

Дар ҷаласа зарурати муттаҳид сохтани кӯшишҳои СММ барои омодагӣ ба даҳсолаи нақлиёти устувори солҳои 2026-2035 таъкид гардид. Иштироккунандагон зарурати такмили минбаъдаи фаъолияти гурӯҳ ва ҳамоҳангсозии кӯшишҳо барои ҳалли мушкилот дар соҳаи нақлиёт ва логистика, аз ҷумла роҳҳои кам кардани монеаҳои минтақавӣ ва ҷаҳонӣ дар ин соҳа ва пешбурди ташаббусҳои кишварҳои узви СММ-ро таъкид намуданд.