Лойиҳа мувофиқи Қарори Президенти Ҷумҳурии аз 15 декабри соли 2020 “Дар бораи чораҳои такмил додани фаъолият дар соҳаи муомилот бо партовҳои маишӣ васохтмон дар шаҳри Тошканд” бо иштироки Бонки осиёии рушд татбиқ мегардад.
Масоҳати умумии лоиҳа 30 гектар ва худи майдони барои партовгоҳ ҷудошуда 25 гектарро ташкил медиҳад.
Ба гуфтаи сардори филиали «Махсустранс» оид ба ҳамлу нақл ва нобудсозии партовҳо Рафаэл Бекмуллин, партовгоҳ бо истифода аз технологияи комилан нав фаъолият хоҳад кард.
“Тамоми қаламрави партовгоҳ бо маводи махсус аз геотекстилҳо, геосеткаҳо ва дигар геомаводҳо пӯшонида мешавад. Қаъри партовгоҳро пурра ҳавзаи мӯҳрдори фаро хоҳад гирифт, ба туфайли он ба обҳои зеризаминӣ ва атмосфера таъсири манфӣ расонда намешавад.
Дар ин ҷо ғайр аз масолеҳи махсус қубурҳое мегузорем, ки аз партовҳо об мебароранд. Мо инчунин қубурҳоро барои кашидани газу метан насб мекунем, ки ин имкон медиҳад, ки дар оянда метан ва нерӯи барқ тавлид кунем”, - гуфт Р.Бекмуллин.
Партовгоҳ барои 15-20 сол пешбинӣ шудааст ва дар он тақрибан 20 миллион тонна партов ҷойгир карда метавонад. Сохтмони он то моҳи ноябри соли ҷорӣ ба охир мерасад.
