Ба иттилои синоптикҳо, ба кишвар антисиклони сард ворид мегардад, ки ба мубодилаи муътадили ҳаво дар атмосфера монеъ мешавад. Дар натиҷа ҷамъшавии моддаҳои ифлоскунанда ва зарраҳои майдаи парокандаи PM2,5 ва PM10 имконпазир буда, ин метавонад боиси бад шудани сифати ҳаво гардад. Зикр мешавад, ки ин раванд метавонад то се рӯз идома ёбад.
Дар оянда таъсири антисиклон тақвият меёбад. То 16–17 январ қариб дар тамоми қаламрави ҷумҳурӣ паст шудани ҳарорати ҳаво интизор аст. Дар давоми рӯз низ ҳарорат коҳиш ёфта, дар соатҳои шабона ва саҳаргоҳӣ ҳавои сард пешбинӣ мешавад.
Илова бар ин, зери таъсири антисиклон боришот низ эҳтимол дорад. Дар баъзе минтақаҳо борон ва барф пешбинӣ мешавад. Боришот ва шиддат гирифтани шамол ба шуста шудани зарраҳои майдаи дар атмосфера ҷамъшуда мусоидат намуда, метавонанд боиси беҳбудии муваққатии сифати ҳавои атмосфера гарданд, илова карданд дар Узгидромет.
