Дар вохӯрӣ марҳилаҳои татбиқи Ёддошти тафоҳум бо Фонди рушди Абу-Дабӣ барои ҷудо намудани маблағҳои грантӣ дар ҳаҷми 5,1 миллион доллари ИМА ба лоиҳаи "Рушди устувори низоми истеҳсолоти кишоварзӣ дар минтақаҳои инкишофашон сусти Ҷумҳурии Қароқалпоқистон" баррасӣ шуданд.
И.Абдураҳмонов масъалаи ҷалби маблағ барои идомаи интихоби корхонаҳои стартапро, ки ба ҳалли мушкилоти марбут ба хушксолӣ ва шӯршавӣ дар ноҳияи Арал нигаронида шудаанд, ба миён гузошт. Қайд карда шуд, ки ин масъаларо Раёсати фонд мавриди баррасӣ қарор дода, чораҳои мусбат андешида мешаванд.
Иброҳим Абдураҳмонов ҳамчунин бо сармутахассиси стратегии Marlin Farm дар Абу-Дабӣ Ҳамад Нӯъмон ал Алӣ ва ҳаммуассиси ӯ Суҳайл Бачам мулоқот кард.
Илова бар ин, ҳайат аз фермаи аквапоникаи аз ҷониби ширкат дар Аморати Шарҷа сохташуда дидан намуда, бо шароитҳои мавҷудаи корҳои тадқиқотии лабораторӣ, ки қарорҳои инноватсионӣ дар соҳаи кишоварзиро дар бар мегирад, шинос шуданд, хабар медиҳад хидмати матбуоти Вазорати инноватсия.
