Зимни мулоқот дурнамои рушди ҳамкориҳои минбаъда бо таъкид ба додани динамикаи нав ба муносибатҳои Ӯзбекистон ва БАТР баррасӣ шуд, хабар медиҳад АИ “Дунё”.

Аз ҷумла, ба татбиқи амалии тавофуқҳое, ки 1 декабри соли равон дар мулоқоти Президент Шавкат Мирзиёев бо президенти БАТР Одил Рено-Бассо дар ҳошияи Саммити ҷаҳонии иқлим дар Дубай ҳосил шуда буд, таваҷҷуҳи хоса зоҳир гардид.

Казухико Когучи моҳи майи соли ҷорӣ дар Самарқанд бомуваффақият баргузор шудани 32-умин ҷаласаи солонаи Шӯрои мудирони БАТР-ро бо қаноатмандӣ қайд намуд.

Дар мавриди тавсеаи ҳамкорӣ дар як қатор самтҳои ояндадор, аз ҷумла ширкати фаъоли бонк дар трансформатсия ва хусусигардонии корхонаҳои давлатӣ ва бонкҳо, татбиқи лоиҳаҳо дар соҳаи рушди “сабз”, энергетикаи тоза, нақлиёт, соҳибкории занон ва ҷавонон, инчунин таъмини оби нӯшокӣ, рақамикунонӣ ва ғайра тавофуқ ҳосил шуд.

Бояд гуфт, ки имрӯз сармоягузории бонк дар Ӯзбекистон аз 3,5 миллиард евро гузаштааст ва 60% портфели лоиҳа ба бахши хусусӣ рост меояд.