Дар мулоқот ҳамчунин муовини аввали вазир ва мутахассисони Вазорати энергетика ва намояндагони ҶДММ «MHI Russif LLC» иштирок доштанд.

Қобили зикр аст, ки Ҷумҳурии Ӯзбекистон соли 2018 Созишномаи Парижро оид ба иқлим бо мақсади рушди истифодаи манбаъҳои аз ҷиҳати экологӣ тозаи энергия ба тасвиб расонд. Ҷумҳурии мо ҳамчун саҳми миллӣ дар татбиқи он то соли 2030 ӯҳдадор шудааст, ки то соли 2030 нисбат ба сатҳи соли 2010 ҳиссаи партовҳои газҳои гулхонаӣ ба як воҳиди ММД 10 фоиз кам карда шавад.

Дар маҷлиси машваратӣ масъалаҳои ташкили тадқиқоти илмӣ дар соҳаи технологияи камкарбон, аз ҷумла технологияи энергетикии водородӣ муҳокима шуданд. Аз рӯи масъалаҳои ташкили мубодилаи мутахассисон оид ба энергетикаи водородӣ ва технологияи камкарбон, инчунин гузарондани таҷрибаомӯзии илмии олимони ҷавон мубодилаи афкор барпо гардид. Зарурати ҷалби муассисаҳои илмӣ ва соҳаҳои саноати Ӯзбекистон ба лоиҳаҳои шарикӣ қайд карда шуд.

Дар натиҷаи мулоқот оид ба имзои ёддошти ҳамкорӣ бо ширкати "Mitsubishi Heavy Industries Ltd" дар доираи ҳафтаи Innoweek.Uz-2022 тавофуқ ҳосил шуд.