Аз ҷумла, дар ноҳияи Кӯқдала мошини боркаши тамғаи «Isuzu», ки аз Қаршӣ ба самти Самарқанд ҳаракат мекард, боздошт шуд. Ҳангоми азназаргузаронии автомашина маълум гардид, ки шаҳрвандон О.Х. ва Ж. В. 4 тонна гӯшти барои истеъмол корношоямро меоварданд. Дар натиҷа маҳсулоти гӯштӣ ҳамчун далели шайъӣ мусодира карда шуд.
Дар робита ба ин ҳодиса тибқи моддаи 186-уми Кодекси ҷиноии Ӯзбекистон «Истеҳсол, нигоҳдорӣ, интиқол бо мақсади тиҷорат ё фурӯши мол, иҷрои кор ё хизматрасонӣ, ки ба талаботи бехатарӣ ҷавобгӯ нест» парвандаи ҷиноӣ боз шуд. Айни замон тафтишот идома дорад.
Ёдовар мешавем, ки моҳи майи соли ҷорӣ дар Тошканд кӯшиш карданд, ки қариб як тонна гӯшти барои истеъмол ношоямро ворид кунанд. Гуфта мешавад, ки дар гузаргоҳи “Умакай” ҳангоми азназаргузаронии дохили автомашинаи тамғаи “Кобалт”, ки аз Қаршӣ ба самти пойтахт ҳаракат мекард, 929 кило гӯшти таъиноташ номаълум, ки бидуни ҳуҷҷатҳои дахлдор интиқол дода мешуд, ошкор гардид.
