Дар чорабинӣ намояндагони расмии Вазорати корҳои хориҷии Чин, роҳбарияти котиботи СҲШ, сафирон ва дипломатҳои кишварҳои узви СҲШ, инчунин намояндагони доимии кишварҳои узв ширкат доштанд, хабар медиҳад АИ «Дунё».

Иштирокчиён дар бораи ислоҳоти конститутсионии Ӯзбекистон, тағйироту иловаҳои асосии Конститутсия дар таҳрири нав муфассал хабардор карда шуданд.

Зимнан зикр гардид, ки дар ҷараёни ислоҳоти конститутсионӣ конститутсияҳои қариб ҳамаи кишварҳои ҷаҳон, бахусус кишварҳои СҲШ муфассал омӯхта шуданд.

Ба он эътибор дода шуд, ки дар ин раванд таъмини ҳуқуқу озодиҳои инсон ҳамчун вазифаи олии давлат муқаррар шуда, тамоюли «Инсон – ҷомеа – давлат» дар лоиҳа меъёри асосӣ гардид, меъёрҳои ҳуқуқи инсон 3,5 баробар, аз рӯи уҳдадориҳои иҷтимоӣ — се баробар афзоиш ёфт, конституция принсиперо муайян мекунад, ки аз рӯи он Ӯзбекистон давлати иҷтимоӣ мебошад.

Дар бораи таҳаввулоти нав дар самтҳои дастгирӣ ва таҳсилоти ҷавонон, баробарии гендерӣ, соҳибкорӣ, дастрасӣ ба иттилооти бепул, ҳифзи иҷтимоӣ ва ҳуқуқҳои экологӣ, озодӣ ва мустақилияти ҳокимияти судӣ, таҳкими минбаъдаи ваколатҳои парлумон низ ба таври васеъ инъикос дода шуд.