Дар ҷараёни суҳбат ҳамкориҳои кунунии байни Ӯзбекистон ва БРСММ баланд арзёбӣ шуданд. Таъкид гардид, ки дар айни замон дар кишвар 43 лоиҳа бо арзиши умумии беш аз 163 миллион доллари ИМА амалӣ шуда истодааст, ки ин яке аз нишондиҳандаҳои баланд дар байни кишварҳои минтақа мебошад.
Лоиҳаҳои амалишаванда самтҳои муҳими зерин: баланд бардоштани саводнокии рақамии ҷавонон, дастгирии иқтисодии занон, навсозии низоми тандурустӣ ва беҳсозии сифати хизматрасониҳои давлатиро дар бар мегиранд.
Ҷонибҳо ба таҳкими минбаъдаи шарикӣ дар доираи Барномаи кишварии солҳои 2021–2025 содиқ будани худро таъкид карданд. Ба самтҳои афзалиятнок, аз ҷумла таъмин намудани устувории экологӣ, коҳиши оқибатҳои бӯҳрони Арал, тарғиби баробарии гендерӣ ва ноил шудан ба Ҳадафҳои рушди устувор таваҷҷуҳи махсус зоҳир гардид.
