Дар ҷаласа намояндагони Арманистон, Беларус, Қазоқистон, Қирғизистон, Русия, Туркманистон, Ӯзбекистон, Ассамблеяи байнипарлумонии кишварҳои узви ИДМ ва Кумитаи иҷроияи Иттиҳод ширкат доштанд.

Бино ба иттилои хидмати матбуоти кумитаи иҷроияи ИДМ, коршиносон тавофуқ карданд, ки номи ин санад ба “Созишномаи намунавӣ дар бораи таъмини эътирофи мутақобилаи муҳоҷирони кории кишварҳои узви Иттиҳоди Давлатҳои Мустақил” тағйир дода шавад.

Иштироккунандагони ҷамъомад инчунин фикру мулоҳизаю пешниҳоди лоиҳаи шартномаи намунавиро дида баромада, ба матн як қатор иловаю аниқиҳо дохил намуда, зарурати таҳияи иловагии истилоҳот ва дигар нуқтаҳои онро иброз доштанд.

Қарор шуд, ки ҷаласаи навбатии Гурӯҳи корӣ моҳи марти соли 2024 баргузор шавад.