Дар оғози вохӯрӣ Ш.Раҳмонов дар бораи ислоҳоту навсозии солҳои охир дар пойтахт маълумоти мухтасар дода, омодагии ҳукумати шаҳрро барои ҳамкорӣ бо меҳмонон ва мусоидат дар ҳама масъалаҳо изҳор намуд. Ҳамчунин, Ш.Раҳмонов ба меҳмонон дар бораи фазои мусоиди сармоягузории кишвари мо маълумот дода, дурнамои татбиқи лоиҳаҳои муштаракро дар соҳаҳои хизматрасонӣ, саноат, соҳибкорӣ, рушди иҷтимоӣ ва ғайра қайд намуд.
Инчунин ба меҳмонон дар бораи лоиҳаҳои бузурги сармоягузорие, ки дар интизори татбиқ қарор доранд, маълумоти муфассал дода шуд.
Э Хонгда барои истиқболи самимӣ изҳори сипос намуда, дар бораи шаҳри Шихэтсзи мухтасар сухан ронд, дар бораи ширкатҳо дар ҳайати намояндагӣ, самтҳои фаъолияти онҳо маълумот дод, ба ҳамкории мутақобилан судманд бо пойтахт ва сармоягузорӣ ба иқтисодиёти шаҳри мо ҳавасмандӣ зоҳир намуд.
Муовини ҳоким изҳор дошт, ки ҳукумати шаҳр ташаббусҳои соҳибкорони чиниро дастгирӣ мекунад ва омода аст дар рушди ҳамкориҳои мутақобилан судманд ҳамаҷониба кумак расонад.
