«Қувваи таконҳо дар маркази зилзила 3–4 баллро ташкил дод, дар ноҳияи Рашт — 3 балл. Тибқи маълумоти аввалия, дар натиҷаи заминларза талафоти ҷонӣ ва харобкорӣ ба қайд гирифта нашудааст», — қайд карданд дар КҲФ. Таконҳои зеризаминӣ соати 05:44 бо вақти маҳаллӣ сабт шудаанд.
Тибқи маълумоти Хадамоти геофизикии Академияи миллии илмҳои ҷумҳурӣ, маркази зилзила дар масофаи 156 км шимолу шарқи Душанбе ва 18 км шарқтар аз ноҳияи Рашт воқеъ будааст.
Рӯзи гузашта дар Тоҷикистон чор заминларза сабт гардид. Маркази зилзилаи аввал дар масофаи 160 км шимолу шарқи Душанбе ва 21 км шарқтар аз ноҳияи Рашт ҷойгир буд. Қувваи таконҳо дар маркази зилзила 5–6 балл, дар ноҳияи Рашт — 4–5 балл ва дар Душанбе — 3 баллро ташкил дод. Баъдан боз се заминларзаи дигар бо шиддати камтар ба қайд гирифта шуданд.
Дар натиҷаи заминларзаи аввал дар деҳаи Уштурпаст як кӯдаки се-сола, ки зери девори хона монда буд, ба ҳалокат расид. Ғайр аз ин, тибқи маълумоти пешакӣ, тақрибан 100 хонаи истиқоматӣ дар ду ноҳияи Тоҷикистон пурра вайрон шудаанд, инчунин чандин бино ва иншооти ёрирасон зарар дидаанд, менависад tass.ru.
