10 апрел дар Тошканд аз соати 4:00 то 10:00 нақлиёти ҷамъиятӣ барои сокинон ва меҳмонони пойтахт ройгон хоҳад шуд.
Ин тадбир ба хотири фароҳам овардани шароити иловагии мусоид барои аҳолӣ ва ҷилавгирӣ аз роҳбандӣ дар рӯзи иди Рамазон қабул шудааст.
“Тамоми ҳамлу нақли мусофирон дар нақлиёти ҷамъиятии пойтахт (автобусҳо ва метро) 10 апрел аз соати 4:00 то 10:00 ройгон сурат мегирад”, - омадааст дар хабар.
Вазорати нақлиёти Ӯзбекистон аз сокинон ва меҳмонони пойтахт хостааст, ки ҳангоми сафар ба макони таъинот дар рӯзҳои ид аз хадамоти нақлиёти ҷамъиятӣ истифода баранд.
Корхонаи «Метровагонмаш»-и Русия ният дорад, ки барои интиқоли 60 вагони метро дар тӯли солҳои 2024-2025 шартнома имзо кунад. Дар ин бора губернатори вилояти Маскав Андрей Воробёв хабар дод.
15 декабр дар Тошканд ду истгоҳи нави метро ба истифода дода шуд. Истгоҳҳои рақами 13 ва 14-и хатти заминии “Турон” ва “Қипчоқ” ҳоло бидуни қабули мусофирон дар реҷаи санҷишӣ ба кор шурӯъ карданд.
