Дар ноҳияи Янгийӯли вилояти Тошканд корхонаи муштараки Ӯзбекистону Чин «Ecomoto» қарор намудааст, ки тавлиди мотороллерҳои барқиро оғоз кунад.
Ёддошти тафоҳум дар бораи ҳамкорӣ аз ҷониби ҳокими ноҳияи Янгийӯл О.Атауллоев ва сармоягузорони хориҷӣ ба имзо расид.
Лоиҳаи арзишаш 10 миллион доллар аз ҳисоби сармояи хориҷӣ маблағгузорӣ шуда, 50 ҷойи кори доимӣ фароҳам меорад.
Истеҳсоли мотороллерҳои барқӣ дар семоҳаи дуюми соли 2025 оғоз мешавад.
Дар шаҳри Ангрени вилояти Тошканд фаъолияти стансияи замонавии партовҷамъкунӣ, ки ба сокинони ҳудуди корхонаҳои тозакунии санитарӣ дар асоси созишнома дар бораи шарикии давлатию хусусии «Zero Waste» хидмат мерасонад, ба роҳ монда шуд.
Дар Маркази ҷумҳуриявии ташкили корҳои тозакунии санитарии назди Вазорати экология, ҳифзи муҳити зист ва тағйирёбии иқлим бо роҳбари корхонаи “SEJIN UZ”-и Куриёи Ҷанубӣ мулоқот ба амал омад.
Сармоягузорони чинӣ тарҳи бунёди неругоҳи офтобиро дар Оҳангаронро бо буҷаи 2 миллиард доллар баррасӣ мекунанд. Дар ин бора хидмати матбуоти ҳокимияти вилояти Тошканд хабар медиҳад.
