Анҷуманро раиси ҳукумати ноҳияи мухтори Шинҷон-Уйғур Эркин Туниёз ва дабири кулли СҲШ Чжан Мин ифтитоҳ намуданд, хабар медиҳад АИ “Дунё”.
Дар кори форум роҳбарони идораҳои сайёҳӣ, намояндагони созмонҳои байналмилалӣ, сохторҳои давлатӣ ва соҳибкорӣ, коршиносони соҳаи сайёҳӣ ширкат доранд.
Иштирокчиён ташаббусҳои муштаракро оид ба рушди соҳаи сайёҳӣ дар фазои СҲШ баррасӣ хоҳанд кард.
Ёдовар мешавем, ки Форуми СҲШ аввалин форуми мавзӯӣ дар доираи Соли рушди сайёҳӣ мебошад, ки соли 2022 дар ҷаласаи Шӯрои сарони кишварҳои узви СҲШ дар шаҳри Самарқанд эълон шуда буд.
