Тибқи маводи тафтишот, ин зан, соли таваллудаш 1991, духтаронро бо роҳи фиреб ба Туркия мебурд ва ба онҳо маоши баланд ваъда менамуд. Он ҷо шиносномаҳои онҳоро гирифта, маҷбур мекард, ки ба фоҳишагӣ машғул шаванд.

Бар зидди ин зан бо қисми 2 моддаи 135 Кодекси ҷиноятии Ҷумҳурии Ӯзбекистон парвандаи ҷиноятӣ боз шуда буд ва ӯ дар ҷустуҷӯ қарор дошт. Дар ҷараёни ҳамкориҳои муштарак бо Интерпол муайян карда шуд, ки ӯ дар Истамбул пинҳон шудааст. Зан боздошт ва рӯзи 18 ноябри соли 2025 ба Ӯзбекистон экстрадитсия гардид.

Ҳамоҳангии мақомоти миллии марказии Интерполи Ӯзбекистон ва Туркия имкони анҷоми бомуваффақияти амалиётро фароҳам овард.

Қайд кардан зарур аст, ки аз соли 2025 дар Ӯзбекистон ҷазо барои савдои одамон шадидтар карда шудааст: барои чунин ҷиноят ҷазои маҳрум сохтан аз озодӣ аз 5 то 15 сол пешбинӣ мешавад.

Вазорати корҳои дохилии Ӯзбекистон аз шаҳрвандон даъват мекунад, ки ҳушёр бошанд! Ба ваъдаҳои кори сермаош дар хориҷи кишвар бовар накунед — ин метавонад ба доми савдогарони одамон гирифтор шудан оварда расонад.