Ҷонибҳо доир ба ислоҳот дар ҳамкорӣ бо Бонки ҷаҳонӣ дар самтҳои муҳими рушди сармояи инсонӣ, масъалаҳои баробарии гендерӣ ва мубориза бо тағирёбии иқлим табодули назар карданд. Лоиҳаҳои аз ҷониби Бонки ҷаҳонӣ оид ба корҳои стратегӣ, таҳлилӣ, иттилоотӣ ва оперативӣ дар кишвар татбиқшаванда мавриди баррасӣ қарор гирифтанд.
Дар рафти вохӯрӣ оид ба вазъи кунунӣ ва дурнамои лоиҳаҳои амалӣ оиди рушди бахши хусусӣ, фароҳам овардани шароит барои сармоягузорон ва хусусигардонӣ, рушди бозори сармоя, суръат бахшидан ба гузариш ба иқтисоди сабз, рушди бозори энергетикӣ ва баланд бардоштани самаранокии энергия, кишоварзӣ ва амнияти озуқаворӣ дар ҳамкорӣ бо Бонки ҷаҳонӣ мубодилаи афкор сурат гирифт.
Дар навбати худ хонум Анна Берде ба ислоҳоти васеъмиқёси ҷалби бахши хусусӣ ба хизматрасонӣ ва вазифаҳои давлатӣ дар кишвари мо, IPO саҳмияҳои корхонаҳои давлатӣ дар бозори фондии маҳаллӣ (ҷойгиркунии ибтидоии саҳмияҳои ширкат дар бозорҳои фонд) ва ҳифзи иҷтимоии аҳолӣ баҳои баланд дод.
Дар ҷамъбасти мулоқот ҷонибҳо бобати таҳкими минбаъдаи ҳамкориҳо оид ба лоиҳаҳои муштарак бо Бонки ҷаҳонӣ ба мувофиқа расиданд, хабар медиҳад Раёсати робита бо ҷомеаи Вазорати иқтисодиёт ва молия.
