Дар ин бора дар брифинг дар Женева роҳбари гурӯҳ оид ба вабо ва бемориҳои диареяи эпидемиологии Созмони умумиҷаҳонии тандурустӣ (СУТ) Филипп Барбоза хабар дод.
"Мо тахмин мезанем, ки беш аз 1 миллиард нафар дар 43 кишвари ҷаҳон мустақиман дар хатари гирифтор шудан ба вабо қарор доранд" - гуфт ӯ. - "Танҳо дар як ҳафтаи охир се кишвар дар бораи хуруҷи нав хабар доданд. Айни замон 22 иёлате, ки дар панҷ минтақаи СУТ ҷойгиранд, бо хуруҷи вабо мубориза мебаранд”, - изҳор дошт Барбоза.
Вай ёдовар шуд, ки дар соли гузашта нисбат ба соли 2021 50 фоиз бештар кишварҳо бо хуруҷи вабо рӯбарӯ шудаанд.
“Мутаассифона, ин тамоюл идома дорад. Камбизоатӣ, муноқишаҳо ва офатҳои табиӣ боиси якбора авҷ гирифтани беморӣ мегардад, ки ҳоло дар натиҷаи тағирёбии иқлим шадидтар мешаванд», - таъкид кард мутахассиси СУТ.
Барбоза инчунин таваҷҷуҳро ба он ҷалб кард, ки "сатҳи фавт дар даҳ соли охир баландтарин аст". “Соли 2021 сатҳи ҷаҳонии марг қариб 2 фоиз буд, ки аз ҳадди қобили қабул хеле болотар аст. Маълумоти пешакӣ ҳаминро барои солҳои 2022 ва 2023 нишон медиҳад”, - хулоса кард роҳбари гурӯҳи СУТ.
