Тавре ки Report бо истинод ба расонаҳои хориҷӣ хабар медиҳад, ҳадафи ин ташаббус баланд бардоштани сатҳи зиндамонии кӯдакон мебошад.

Қисми аввалини доруҳо аллакай ба Муғулистон ва Ӯзбекистон расонда шудааст. Дар ояндаи наздик интиқоли онҳо ба Эквадор, Урдун, Непал ва Замбия низ пешбинӣ шудааст. Ин доруҳо барои табобати тақрибан 5000 кӯдак дар кишварҳои зикршуда истифода хоҳанд шуд.

Тибқи нақша, платформа дар тӯли панҷ-ҳафт соли оянда шумораи кишварҳоро ба 50 мерасонад ва 120 ҳазор кӯдакро бо доруҳои ройгон таъмин мекунад. СУТ кафолат медиҳад, ки таъмини ройгони доруҳо ҳатто пас аз анҷоми марҳилаи озмоишӣ идома хоҳад ёфт.

Барнома бори аввал дар моҳи декабри соли 2021 эълон шуда буд. Оғози он бо шарофати ҳамкории СУТ ва Беморхонаи тадқиқотии кӯдаконаи Св-Ҷуд (ИМА) имконпазир шуд, ки барои татбиқи ин лоиҳа 200 миллион доллар ҷудо кардааст.