Маблағгузории иловагӣ барои ин ҷузъи лоиҳа ба маблағи 100 миллион доллари ИМА аз ҷониби Шӯрои директорони Бонки ҷаҳонӣ тасдиқ шуд. Ассотсиатсияи байналмилалии рушд, ки узви гурӯҳи Бонки ҷаҳонӣ аст, онро ба ҳукумати Ӯзбекистон дар шакли қарзи имтиёзнок бо фоизи хеле паст ва мӯҳлати то 30 сол медиҳад.

Маблағгузории иловагӣ доираи ҷуғрофии лоиҳаро, ки аз соли 2019 бо кӯмаки молиявии Бонки ҷаҳонӣ дар шаҳрҳои Бухоро (Когон), Намангон (Чортоқ), Тошканд (Янгиюл ва Пскент) татбиқ мегардад, густариш медиҳад, хабар медиҳад "Central Asia" бо истинод ба намояндагии Бонки ҷаҳонӣ дар Ӯзбекистон.

Ба нақша гирифта шудааст, рӯйхати ниҳоии шаҳрҳое, ки дар ин қисмати кишвар ба лоиҳа ҷалб карда мешаванд, дар давоми шаш моҳи оянда тасдиқ карда шаванд.

Дар доираи барномаҳои мазкур корҳои зерин маблағгузорӣ карда мешаванд: такмил ва васеъ гардондани низоми обтаъминкунӣ ва канализатсия; навсозии инфрасохтори барқ ​​ва ҷароғонкунии кӯчаҳо, роҳҳои автомобилгардӣ, пиёдагард ва минтақаҳои истифодаи нақлиёти ҷамъиятӣ; баланд бардоштани самаранокии энергетикии биноҳои ҷамъиятӣ; таҷдиди ҷойҳои ҷамъиятӣ, боғҳо, кӯчаҳо ва инфрасохтори дахлдори онҳо; гузаронидани корҳои барқарорсозӣ барои ҳифзи объектҳои мероси фарҳангӣ дар ҳудуди нуқтаҳои аҳолинишини дахлдор.

Интизор меравад, ки тақрибан 4 миллион нафар ё тақрибан 70 фоизи тамоми аҳолии ҳарду минтақа метавонанд аз беҳтар шудани инфрасохтори шаҳр, кори хадамоти мунисипиалӣ, афзоиши имкониятҳои шуғл ба туфайли амалисозии лоиҳаҳое, ки ҷойҳои нави корӣ фароҳам меоранд, баҳра бардоранд.