Дар ин бора рӯзномаи The Wall Street Journal бо истинод ба манбаъҳои худ хабар медиҳад. Ба гуфтаи мусоҳибон, чунин иқдом метавонад дастрасии Теҳрон ба асъори хориҷӣ ва шабакаҳои ҷаҳонии савдоро ба таври ҷиддӣ маҳдуд намояд.
Ҳоло маълум нест, ки АМА кай метавонанд дороиҳои Эронро масдуд кунанд. Пештар мақомоти Аморот изҳор карда буданд, ки ба низоми таҳримҳо риоя мекунанд ва қасд доранд тамомияти низоми ҷаҳонии молиявиро ҳифз намоянд.
Чанд манбаи WSJ ҳамчунин гуфтанд, ки мақомоти АМА чораҳои дигарро барои пешгирии амалиётҳои ғайриқонунии эронӣ баррасӣ мекунанд. Аз ҷумла, масдуд кардани дороиҳои ширкатҳои соягӣ, ки дар Иёлоти Муттаҳидаи Амрико фаъолият доранд, инчунин ҷорӣ кардани маҳдудият нисбат ба биржаҳои маҳаллии асъор, ки барои интиқоли маблағ берун аз каналҳои расмии бонкӣ истифода мешаванд.
Агар чунин тадбирҳо ҷорӣ шаванд, ҳадаф ҳисобҳое хоҳанд буд, ки бо Корпуси посдорони инқилоби исломӣ вобастаанд, гуфтаанд манбаъҳои рӯзнома.
Ғайр аз таҳримҳои молиявӣ, АМА инчунин имкони мусодираи киштиҳои эрониро баррасӣ мекунанд, то ба «флоти соягии» Эрон зарба расонанд, хабар медиҳад kommersant.ru.
