Ҳадафи форум, ки ташаббускори он Ҷумҳурии Тоҷикистон гардид, шинос кардани иштирокчиён бо имкониятҳои технологияҳои муосири иттилоотӣ ва таъсири онҳо ба рушди инфрасохтори пойтахтҳо ва шаҳрҳои калони кишварҳои СҲШ мебошад.
Дар кори форум аъзои ҳайатҳои кишварҳои узви СҲШ, намояндагони мақомоти давлатӣ, доираҳои соҳибкорӣ ва коршиносон аз Русия, Чин, Қазоқистон, Ӯзбекистон, Қирғизистон, Ҳиндустон, Покистон ва Тоҷикистон, инчунин кишварҳои нозир ва шарикони муколамаи СҲШ ширкат варзиданд.
Дар кори форум аз ҳокимияти шаҳри Тошканд кормандони департаменти "Рушди рақамӣ" иштирок карданд. Онҳо ба иштирокчиён геопортали таҳияшудаи пойтахт ва Маркази вазъиятиро, ки ба кор омода карда мешавад, муаррифӣ карданд, хабар медиҳад хидмати матбуот.
Дар рафти муҳокима иштирокчиён бо дастовардҳои рақамисозии шаҳрҳои калони кишварҳои СҲШ шинос шуданд.