Оид ба масъалаҳои мубрами ҳамкорӣ байни Ӯзбекистон ва ИА мубодилаи афкори муфассал ба амал омад. Зарурати густариши шарикӣ дар мубориза бо таҳдидҳои терроризм, ифротгароии хушунатомез, ҷиноятҳои фаромиллӣ ва гардиши ғайриқонунии маводи мухаддир қайд карда шуд.
Намояндагони Иттиҳодияи Аврупо ба таҷрибаи Ӯзбекистон дар баргардонидани шаҳрвандон, бахусус занону кӯдакон аз минтақаҳои муноқиша ва ҳамгироии онҳо ба ҷомеа баҳои баланд доданд.
Ба масъалаҳои ҳамкорӣ дар самти Афғонистон таваҷҷуҳи хоса зоҳир карда шуд. Манфиатдории тарафайн ба идомаи муколама барои ҳалли вазъи Афғонистон баён шуд. Дар ин замина ҷонибҳо аз баргузории бомуваффақияти мулоқоти чоруми намояндагони махсуси Иттиҳодияи Аврупо ва кишварҳои Осиёи Марказӣ оид аб Афғонистон 26 майи соли ҷорӣ дар Ашқобод (Туркманистон) истиқбол карданд, хабар медиҳад хидмати матбуоти Вазорати корҳои хориҷии Ҷумҳурии Ӯзбекистон.