Bolalar ombudsmani mazkur holatni oʻz kuzatuviga olganini maʼlum qildi.
Yangi Namangan tumanida yashovchi F.O. (ayol) ichki ishlar organlariga oʻz arizasida 2024-yil 27-mart kuni voyaga yetmagan qizi (2017-yilda tugʻilgan) J.S. koʻchada oʻrtoqlari bilan oʻynab yurgan vaqtida shu yerdan oʻtib ketayotgan I.B. (erkak, 1956-yilda tugʻilgan) qizni oʻz avtomashinasiga chiqarib, unga uyatsiz buzuq harakatlar qilganligini bildirgan.
Ushbu voqea yuzasidan joriy yilning 5-aprel kuni Namangan shahar IIO TB tomonidan I.B. ga nisbatan JKning 129-moddasi 1-qismi (oʻn olti yoshga toʻlmagan shaxsga nisbatan uyatsiz-buzuq harakatlar qilish) bilan jinoyat ishi qoʻzgʻatildi.
Hozirga tergov harakatlari olib borilmoqda.
Bolalar ombudsmani oʻz kuzatuvini davom ettirib, holat yuzasidan qoʻshimcha maʼlumot berilishini maʼlum qildi.