Avvaliga shaharning janubida joylashgan Klapem hamda Kamberuell tumanlari jabr koʻrdi. Biroq keyinchalik maʼlum boʻlishicha, shaharning sharqiy hamda shimoli-sharqiy qismi ham suv ostida qolgan. Londondagi suv toshqini sabab 8 ta metro stansiyasi yopildi.
Xabarlarga koʻra, yordam koʻrsatilishini soʻrab qutqaruv xizmatiga fuqarolardan 300 dan ziyod murojaat kelib tushgan.
Avvalroq, yaʼni 25-iyul kuni Shveysariyaning markaziy qismida chaqmoq chaqishi hamda kuchli yomgʻir yogʻishi oqibatida suv toshqini yuz bergandi. Bundan, ayniqsa, Lyutsern hamda Sug kantonlari koʻproq talafot koʻrdi.
