Oʻzbekistonning Rossiyadagi elchixonasi konsullik boʻlimi Telegram kanali maʼlumotiga koʻra, Rossiyaga vizasiz kelgan migrantlardan quyidagilar talab etiladi:
- roʻyxatdan oʻtish;
- shaxsiy maʼlumotlarni, shu jumladan geolokatsiyani kuzatishga rozilik berish;
- Vaqtincha yashash manzili toʻgʻrisida IIVni xabardor qilish.
Agar uch kun ichida geolokatsiya maʼlumotlari taqdim etilmasa, migrant nazoratdagi shaxslar reyestriga kiritilishi mumkin (RKL).
Eksperimentda qoʻyidagi toifadagi shaxslar jalb etiladi:
- patent bilan ishlayotganlar;
- patentsiz ishlash huquqiga ega boʻlganlar (Belarus fuqarolaridan tashqari);
- kirish maqsadini oʻzgartirganlar;
- 90 kundan ortiq boʻlgan, lekin ishlamaydiganlar.
Majburiy shartlar:
- Vaqtincha yashash manzili boʻyicha roʻyxatdan oʻtish;
- daktiloskopiyadan oʻtish;
- biometrik suratga olish;
- geolokatsiyani kuzatish.
Mazkur tajriba muvaffaqiyatli oʻtsa, Rossiyaning boshqa hududlariga ham joriy etilishi rejalashtirilmoqda.
