Bu yerda shahar hokimligi hamda shahar prokuraturasi bilan birgalikda boʻsh turgan binoga 400 million soʻmga yaqin mablagʻ jalb qilindi va 100 nafar ishsiz xotin-qizlar oʻqitilib, bandligi taʼminlandi. Ular bolalar sogʻlomlashtirish oromgohlariga 7000 dona dastlabki mahsulot turlarini tayyorlab berishdi.

Zamonaviy ishlab chiqarish tarmogʻi ochilish marosimida viloyat hokimi Hayrullo Bozorov ishtirok etdi.

– Har bir oilaga daromad kerak. Buning uchun esa mehnat qilish, sharoit yaratish kerak. Opa-singillarimizni uyda boʻsh oʻtirishi hech bir mezonga toʻgʻri kelmaydi. Prezidentimizning “Ayollar daftari”ni yuritish, xotin-qizlar bandligini taʼminlash uchun sektorlarga bergan topshiriqlari asosida mana shunday ishlab chiqarish markazlari ish boshlamoqda. Bu tashabbus hali bardavom boʻladi, ana shunday shunday kichik-kichik markazlarni tashkil qilishimiz kerak», - dedi viloyat rahbari.

Maʼlumot oʻrnida aytganda Fargʻona shahrida 4 ming nafar ayol ana shunday markazlar orqali ish bilan taʼminlanadi.

Shu kuni “Ayollar daftari”dagi bir guruh xotin-qizlarga tikuv mashinalari va pechlar topshirildi.

Rasuljon Kamolov.