Xalqaro turnirning hal qiluvchi bahsida Ispaniya terma jamoasi ketma-ket ikkinchi bor Yevropa chempionati finaliga chiqqan Angliya terma jamoasidan g'alabani tortib oldi. 17 yoshli futbolchi va turnirning asosiy kashfiyoti mazkur o'yinda ham faolligi bilan ajralib turdi.
O'yinning 47-daqiqasida Yamal o'yindagi to'rtinchi golli uzatmani amalga oshirdi va Yevropa chempionatidagi golli uzatmalar rekordini takrorladi. U o'z nomini Stiven Suber (Shveysariya, Yevro-2020), Aaron Remsi (Uels, Yevro-2016), Eden Azar (Belgiya, Yevro-2016) va Lyubinko Drulovich (Serbiya, Yevro-2000) qatoriga kiritib qo'ydi.
Lamin, shuningdek, turnir tarixidagi g'olib bo'lgan eng yosh futbolchi (17 yosh-u 1 kun), Yevro tarixidagi eng yosh assistent va eng yosh futbolchi (16 yosh-u 338 kun) bo'ldi. Fransiya terma jamoasiga qarshi yarim finaldagi o'yinda Yamal turnirning uchinchi rekordini o'rnatdi va Yevropa chempionatidagi eng yosh gol muallifiga aylandi (16 yosh-u 362 kun), deb xabar beradi tengrisport.kz.