Jumladan, Toshkent viloyati bojxona boshqarmasi Kontrabandaga qarshi kurashish va bojxona auditi bo'limi xodimlari va boshqa huquqni muxofaza qiluvchi idoralar xodimlari bilan hamkorlikda tovar moddiy boyliklarining yashirin aylanmasiga qarshi tezkor tadbir o'tkazildi.
Tadbir davomida, fuqaro A.T. boshqaruvidagi “Mercedes benz” rusumli avtotransport vositasi to'xtatilib, o'rnatilgan tartibda ko'zdan kechirildi.
Natijada, avtomashina yukxonasida hech qanday hujjatlari bo'lmagan, xorijda ishlab chiqarilgan, maxsus identifikatsion belgili markirovkalar bilan markalanmagan umumiy qiymati 180 million so'mlik 120 dona televizor tovarlari borligi aniqlandi.
Hozirda ushbu holat yuzasidan bojxona organlari tomonidan surishtiruv harakatlari davom ettirilmoqda.
