Ushbu tadbir Davlat ekologiya qo'mitasi, Navoiy viloyat ekologiya va atrof muhitni muhofaza qilish boshqarmasining bioxilmaxillikni asrash va kadastrni yuritish bo'limi mutahassislari hamda “Amirliklarning yo'rg'a tuvaloqni asrash markazi” nodavlat notijorat tashkiloti vakillari ishtirokida amalga oshirildi.
Tadbir davomida Navoiy viloyatining Tomdi, Uchquduq va Konimex tumanlarining cho'l hududlariga markazda etishtirilgan jami 2 600 ta yo'rg'a tuvaloqlar yovvoyi tabiatga qo'yib yuborildi.
Yo'rg'a tuvaloqlar endilikda yovvoyi tabiatda yashash, o'zlarining ozuqalarini topish, yirtqich hayvonlarni tanib olish va ulardan o'zlarini yashirish ko'nikmalariga ega bo'lib, mustaqil hayot kechiradilar.
