Qayd etilishicha, qoʻshni davlatdan yurtimizga “Yallama” chegara bojxona post orqali fuqaro boshqaruvida kirib kelgan avtotransport vositasi belgilangan tartibda bojxona koʻrigidan oʻtkazilgan.
Oʻtkazilgan bojxona koʻrigida avtotransport vositasi salonida yoʻlovchi bojxona deklaratsiyasida yozib koʻrsatilmagan hamda ogʻzaki soʻrovda maʼlum qilinmagan va ruxsatnomasi boʻlmagan 2 dona “Hatsan” nomli 4,5 mm. kalibrli pnevmatik miltiq va 500 dona oʻq borligi aniqlangan.
Hozirda holat yuzasidan surishtiruv harakatlari davom etmoqda.
