Bunda ustuvor vazifalar etib to‘liq erkin savdo zonasini shakllantirish va MDH makonida transportning o‘zaro bog‘liqligini mustahkamlash kabi tadbirlar belgilandi.

Sanoat kooperatsiyasini chuqurlashtirish, oziq-ovqat, energetika va ekologik xavfsizlikni ta’minlashga qaratilgan milliy dastur va strategiyalarni amalga oshirishda sa’y-harakatlarni birlashtirishga katta e'tibor qaratilyapti.

So‘nggi yillarda O‘zbekiston Hamdo‘stlik faoliyatidagi ishtirokini kuchaytirdi, 40 dan ortiq ko‘p tomonlama shartnomalar imzoladi, shuningdek, MDHning 23 ta tarmoq organlariga a’zo bo‘ldi.

2022-yilda O‘zbekistonning Hamdo‘stlik mamlakatlari bilan tovar ayirboshlash hajmi 30 foizga oshdi, 1 000 dan ortiq qo‘shma korxona tashkil etildi, deb xabar beradi Mustaqil davlat lar hamdo‘stiligi Ijroiya qo‘mitasi.