Joriy yilda oʻyinchoqlarning Ozarbayjonga eksporti 9 barobarga, Tojikistonga eksporti 1,8 barobarga, Qozogʻistonga eksporti 1,7 barobarga oshgan.
Oʻzbekistonda ishlab chiqarilgan bolalar oʻyinchoqlarini bu yil ilk bora Afgʻoniston, Moldova va Isroil mamlakatlari xarid qila boshladi.
Oʻzbekistondan oʻyinchoqlar eksport qilingan davlatlar soni 12 tani tashkil etib, ular qatorida AQSH, Fransiya, Rossiya, Belarus, Gruziya, Qirgʻiziston kabi davlatlar ham bor, deb xabar beradi Bojxona qoʻmitasi matbuot xizmati.
