Xususan, “Oʻzbekiston milliy elektr tarmoqlari” AJ tomonidan “Oʻzbekiston Respublikasida 500 kVli Gʻuzor – Regar (L-507) elektr uzatish tarmogʻini tiklash” investitsion loyihasi ishga tushgan.
Loyiha doirasida 500 kVli Gʻuzor – Regar (L-507) elektr uzatish tarmogʻining Oʻzbekiston Respublikasi hududidagi 63 kilometr uzunlikdagi qismi qayta quriladi. Loyihaning dastlabki qiymati 25 million dollarni tashkil etadi.
Xalqaro tender tanlovlari natijalariga koʻra, Xitoyning “Shanghai Electric Power Transmission & Distribution” kompaniyasi gʻolib deb topildi va mazkur investitsion loyiha ushbu kompaniya bilan hamkorlikda amalga oshirilishiga kelishildi, deb xabar beradi Energetika vazirligi matbuot xizmati.
