Bu haqda Rossiya klubining kommunikatsiyalar boʻyicha direktori Kirill Breydo maʼlum qildi.
“Istanbul Bashakshehir” jamoasi joriy yilning iyul oyida Fayzullayev bilan besh yillik shartnoma imzolagan edi. Turkiyalik jurnalist Usmon Altunterim bergan maʼlumotlarga koʻra, futbolchi transferi 7 million yevroga baholangan.
Avvalroq toʻlov jarayonida muammolar kuzatilgani haqida xabarlar tarqalgan. Klub vakillari mablagʻ yetishmovchiligi emas, balki texnik sabablarga koʻra kechikish boʻlayotganini bildirgandi. Endilikda SSKA tomonidan transfer summasining toʻliq qabul qilingani va bitim rasman kuchga kirgani maʼlum qilindi.
