Turkmaniston Prezidenti Serdar Berdimuhamedovning farmoni bilan Abdulaziz Komilov Turkmanistonning “Hurmatli el yoshullisi” (“Hormatly il ýaşulusy”) unvoni bilan taqdirlandi.
Farmonda Komilovning milliy anʼanalarni rivojlantirish, yosh avlodni tarbiyalash, siyosiy, iqtisodiy, ilmiy-madaniy sohalardagi hamkorlikni kengaytirishdagi xizmatlari alohida qayd etilgan.
Shuningdek, shoir Maxtumquli Firogʻiy tavalludining 300-yilligi munosabati bilan Komilov “Maxtumquli Firogʻiyning 300-yilligi” yubiley medali va yodgorlik belgilari bilan taqdirlandi.
Eslatib oʻtamiz, Oʻzbekistonning sobiq tashqi ishlar vaziri Abdulaziz Komilov ayni paytda Prezident huzuridagi Xavfsizlik kengashi kotibi oʻrinbosari lavozimida faoliyat yuritadi.
