Meva-sabzavotni koʻpaytirish uchun yaylov, qir va adirlardan samarali foydalanish juda muhimligi taʼkidlandi.
Shu maqsadda sanoatlashgan bogʻ, tokzor tashkil qilish, sabzavot, ozuqa ekini yetishtirish uchun adir yerlar qiymatining 1 foizi miqdoridagi narx bilan auksionda sotiladi.
Auksion gʻoliblari yerni boshqa odamga qayta ijaraga berishi mumkin boʻladi va ijara huquqi bepul roʻyxatdan oʻtkaziladi.
Bu imkoniyatlar hisobiga ishbilarmon fermerlarimiz kelgusi yil 100 ming gektar adir yerlarni foydalanishga kiritishiga ishonch bildirildi.
Qishloq xoʻjaligi vazirligida dron xizmatlarini koʻrsatuvchi alohida markaz ishga tushirilgani bu sohada mutaxassis tayyorlash va dronlarga servis xizmatini koʻrsatish imkonini berdi.
«Qishloq xoʻjaligi sohasini qoʻllab-quvvatlashga ajratilayotgan mablagʻlarni yildan yilga oshirib boryapmiz. Bundan keyin ham sohaga qancha mablagʻ kerak boʻlsa, topib berishga tayyorman.
Hozirgi tez oʻzgaruvchan sharoitda bozorlardagi narx-navo barqarorligi va oziq-ovqat xavfsizligini taʼminlash doimiy diqqat markazida boʻlishi shartligi koʻrsatib oʻtildi.
Ishning koʻzini biladigan dehqonlar intensiv bogʻ yaratib, gektaridan 50 ming dollargacha hosil olmoqda. Bunday bogʻlarni keskin koʻpaytirish va yerga munosabatni tubdan oʻzgartirish muhim ekani taʼkidlandi.
