Bank oʻzini oʻzi band qilgan yoshlar loyihalari uchun 100 million soʻmgacha 7-yil muddatga imtiyozli mikroqarz ajratadi.
Shuningdek, yakka tartibdagi tadbirkor boʻlgan, kamida 20 nafar yoshni ishga olib, kichik korxona ochgan va oʻquv markazi tashkil qilgan yosh tadbirkorlarga 7-yil muddatga 5 milliard soʻmgacha imtiyozli kredit beriladi.
Bank kreditlarining kamida 30 foizi xotin-qizlar tadbirkorligi uchun yoʻnaltiriladi.
Hududlarda “yoshlar biznes inkubatori” tashkil qilinib, yoshlar gʻoyalari startapga aylantiriladi, 6 oydan 3-yilgacha qoʻllab-quvvatlanadi, tayyor biznes, korxona darajasiga olib chiqiladi.
“Aloqa venchur” jamgʻarmasi orqali startaplarga 50 mingdan 1 million dollargacha sarmoya kiritilib, mahsulot va xizmatlarni ichki va xalqaro bozorlarda sotish, biznes hamkor topish, qoʻshimcha investitsiyalar jalb qilishga koʻmaklashiladi.
