Andijon – O'sh yo'lida avtobus va fura to'qnashib ketdi

    Tashvishli xabar 26 Noyabr 2022 2131

    To'qnashuv natijasida jami 41 nafar fuqaro jarohat olgan, shulardan 3 nafari voqea joyida vafot etgan

    2022 yil 26 noyabr` kuni ertalab soat 8:10 larda A-373 Toshkent-O'sh-Andijon avtomagistralining 389-390- kilometrlari oralig'ida "Isuzu" avtobusi va “Fura” yuk mashinasi to'qnashib ketdi.

    To'qnashuv natijasida jami 41 nafar fuqaro jarohat olgan, shulardan 3 nafari voqea joyida vafot etgan, deb xabar qildi SSV.

    38 nafar yo'lovchi turli xil jarohatlar bilan Bo'ston tuman tibbiyot birlashmasi shifoxonasiga olib kelingan. Bemorlardan 3 nafarida ushbu ixtisoslashgan brigadalar tomonidan jarrohlik amaliyoti bajirildi.

    Barcha jabrlanganlar birlamchi tibbiy ko'rikdan o'tkazilib, jarohat og'irligiga ko'ra, Bo'stondan SHahrixondagi qo'shma shikastlanishlar markaziga 17 nafari, Respublika shoshilinch tibbiy yordam ilmiy markazi Andijon filialiga 10 nafari "Tez yordam" mashinalari orqali etkazildi.

    Hozir Bo'ston tumani shoshilinch tibbiy yordam bo'limida 11 nafar bemor davolanayotgan bo'lib, ulardan 3 nafarida jarrohlik operatsiyalari o'tkazildi.