Yangi Andijonda viloyat hokimligi binosi qurilishini boshlab berish uchun tashkil etilgan marosim boʻlib oʻtdi.
Bu haqda viloyat hokimligi axborot xizmati maʼlum qildi.
Taʼkidlanishicha, yangi bino investitsiya mablagʻlari asosida 4 gektar yer maydonida barpo etiladi.
Qurilish maydoni 7 ming 100 kvadrat metrni tashkil etadi. 1,4 gektar maydonida koʻkalamzorlar bunyod etiladi. Yangi binolar 3 qavatli hamda 5 qavatli shaklda qurilib, 150 ta maʼmuriy xonalarni oʻz ichiga oladi.
Tadbirda shuningdek, “Yashil makon” umummilliy loyihasi hamda “Vatanparvarlar bogʻi”ni barpo etish boʻyicha koʻplab faollar ishtirokida navbatdagi harakatlar boshlab berildi.