Digital City texnoparki sunʼiy intellekt (SI) sohasida innovatsion loyihalarni ishlab chiqish va mutaxassislarni tayyorlashga qaratilgan yangi SI boʻyicha departamentni tashkil etishini eʼlon qildi.

Bu yangi departament xorijiy yetakchi kompaniyalar va SI sohasidagi mutaxassislar bilan bir yildan ortiq oʻtkazilgan muzokaralar natijasi boʻlib, texnoparkning yuqori texnologiyalar sohasidagi yetakchi oʻyinchi sifatidagi rolini yanada oshiradi.

Sunʼiy intellekt boʻyicha departament ushbu yoʻnalish boʻyicha loyihalarni ishlab chiqish, qoʻllab quvvatlash va neyron tarmoqlari kabi ilgʻor texnologiyalarni ishlab chiqish bilan shugʻullanishi, shuningdek, ushbu tez rivojlanayotgan sohada yangi avlod mutaxassislarini tayyorlashga qaratilgan taʼlim dasturlarini ishlab chiqishi koʻzda tutilgan.

Bundan tashqari hozirgi kunda “Hokim akademiyasi” taʼlim platformasi, sogʻliqni saqlash, turizm sohalarini raqamlashtirishda ushbu yoʻnalishdagi ishlar boshlab yuborilgan.

Departamentning noyobligi uning xalqaro yoʻnalishi va xorijiy sheriklar bilan oʻrnatilgan aloqalarida namoyon boʻladi, bu bilim va hamkorlikda ilmiy tadqiqotlar almashinuvini taʼminlaydi.

Oʻtgan yili texnopark ushbu sohada xalqaro kompaniyalar va mutaxassislar bilan bir qator muvaffaqiyatli muzokaralarni oʻtkazdi, bu uzoq muddatli hamkorlik va birgalikda innovatsion ishlanmalar poydevorini yaratib berdi.

Digital City texnoparkida sunʼiy intellekt boʻyicha departamentni ochish sunʼiy intellekt sohasidagi global innovatsiyalar va taʼlim tashabbuslarini qoʻllab-quvvatlashda muhim qadam boʻlib, talabalar, olimlar va mutaxassislar uchun yangi imkoniyatlarni ochadi.